Psa 25 | NdeIBE | STEP | ElikaDavida Kuwe, Jehova, ngiphakamisela umphefumulo wami;

Psalms 25

1 Kuwe, Jehova, ngiphakamisela umphefumulo wami;

2 Ngethemba kuwe, O Jehova wami. Ungangiyekeli ngiyangeka, futhi ungayekeli izitha zami zinginqobe.

3 Kakukho bani othemba lakhe likuwe ozayangiswa lanini, kodwa bazayangiswa abadinga ukulimaza kungelasizatho.

4 Ngibonisa izindlela zakho, O Jehova, ngifundisa izindlela zakho;

5 ngikhokhela eqinisweni lakho ungifundise ngokuba unguNkulunkulu uMsindisi wami, lethemba lami likuwe izinsuku zonke.

6 Khumbula, O Jehova, isihawu sakho esikhulu kanye lothando, ngokuba konke kuvela ekadeni.

7 Ungakhumbuli izono zami zobutsha lezindlela zokuhlamuka kwami; ngikhumbula ngokufanele uthando lwakho, ngokuba ulungile, O Jehova.

8 UJehova ulungile, uqotho; ngakho weluleka izoni ngezindlela zakhe.

9 Uhola abathobekileyo kulokho okuqondileyo abafundise indlela yakhe.

10 Zonke izindlela zikaJehova zilothando, ziyathembeka kulabo abagcina izimiso zesivumelwano sakhe.

11 Ngenxa yegama lakho, O Jehova, thethelela ububi bami, loba bubukhulu.

12 Ngubani-ke umuntu omesabayo uJehova? Uzameluleka ngaleyondlela ayimiselweyo.

13 Uzaphila izinsuku zakhe ekhomba ngophakathi, lezizukulwane zakhe zizakudla ilifa lelizwe.

14 Bayathenjiswa nguJehova labo abamesabayo; ubenza basazi isivumelwano sakhe.

15 Amehlo ami ahlezi ekuJehova lanini, ngokuba nguye kuphela ozakhumula izinyawo zami esithiyweni.

16 Phendukela kimi ube lobubele kimi, ngokuba ngilesizungu, ngikhathazekile.

17 Izinhlupheko zenhliziyo yami sezandile; ngikhulula ekudabukeni kwami.

18 Khangela ukukhathazeka kwami lokuhawula kwami, ususe zonke izono zami.

19 Ake ubone ukuthi izitha zami sezande kangakanani, lokuthi zingizonda kakubi kanjani!

20 Linda impilo yami ungihlenge; ungangiyekeli ngiyangeke, ngoba ngizuza isiphephelo kuwe.

21 Sengathi ubuqotho lokuqonda kungangivikela, ngoba ngizuza isiphephelo kuwe.

22 Hlenga u-Israyeli, O Nkulunkulu, kuzo zonke izinhlupheko zakhe.